Skiatorja 18-vjeçare Lara Colturi ka përfunduar në vendin e 11-të në garën e Kupës së Botës, mbajtur në Semmering, Austri.
Në lëshimin e parë të disiplinës “Giant Slalom,” ajo arriti të pozicionohej në vendin e 8-të, ndërsa pas lëshimit të dytë përfundoi garën duke u renditur mes më të mirave, në vendin e 11-të.
Ky rezultat është një arritje e rëndësishme për Colturin, e cila përfaqëson Shqipërinë këtë sezon dhe ka si synim të hyjë në mesin e 15 skiatoreve më të mira të botës.
Sfida e radhës për Colturin pritet të zhvillohet të dielën, përsëri në Austri, ku do të garojë në disiplinën e Slallomit.
