Një tjetër aksident në punë dhe një tjetër viktimë është shënuar. Një punëtor shqiptar, 36-vjeç, ka humbur jetën mëngjesin e sotëm teksa po kryente punime rinovimi në një pallat në qendër të Magenta-s, në provincën e Milanos, raportojnë mediat vendase.
36-vjeçari ishte duke kryer punime rinovimi në një ndërtesë në qendër të Magenta-s, kur për arsye ende të paqarta, çatia u shemb dhe punëtori ra nga shkallët, duke vdekur në çast. Viktima ishte pronari, i cili së bashku me dy ortakë të tjerë të kompanisë po kryente punimet.
Nuk raportohet për të lënduar të tjerë.
