Shqipëria dhe Kosova do të mbajnë për herë të dytë një mbledhje të përbashkët të të dy Kuvendeve. Mbledhja mes deputetëve do të zhvillohet të premten më datë 20 dhjetor në Prishtinë. Në këtë mbledhje, do të marrë pjesë kryeministri Edi Rama dhe homologu i tij Albin Kurti. Zyrtarët e lartë të Kuvendit të Shqipërisë do të nisen nga Shqipëria me autobuz në orën 06:00, ku priten të mbërrijnë në Kosovë në orën 10:30. Pasi ata të mbërrijnë në sallën e Kuvendit të Prishtinës, do të mbahet Himni i Shqipërisë dhe Kosovës. Takimi mes dy qeverive pritet të fillojë në orën 11:00, ku do të mbajë fjalën i pari kryeparlamentari i Kosovës Glauk Konjufca, më pas kryetarja e Kuvendit të Shqipërisë Elisa Spiropali. Ndërsa, kryeministri Edi Rama dhe homologu i tij Albin Kurti do të jenë të fundit që do të flasin.
Agjenda dhe pjesëmarrësit:
Glauk Konjufca, Kryetar i Kuvendit të Republikës së Kosovës
Elisa Spiropali, Kryetare e Kuvendit të Republikës së Shqipërisë
Mesila Doda, Kryetare e Grupit Parlamentar Demokraci dhe Integrim, Kuvendi i Shqipërisë
Besnik Tahiri, Kryetar i Grupit Parlamentar të Aleancës për Ardhmërinë e Kosovës, Kuvendi i Kosovës
Fatmir Mediu Anetar i Grupit Parlamentar Aleanca për Ndryshim, Kuvendi i Shqipërisë
Enis Kervan, Kryetar i Grupit Parlamentar Multietnik, Kuvendi i Kosovës
Arben Gashi, Kryetar i i Grupit Parlamentar të Lidhjes Demokratike të Kosovës, Kuvendi i Kosovës
Gazment Bardhi, Kryetar i Grupit Parlamentar të Partisë Demokratike, Kuvendi i Shqipërisë
Abelard Tahiri, Kryetar i Grupit Parlamentar të Partisë Demokratike të Kosovës, Kuvendi i Kosovës
Niko Peleshi, Kryetar i Grupit Parlamentar të Partisë Socialiste, Kuvendi i Shqipërisë
Mimoza Kusari-Lila, Kryetare e Grupit Parlamentar të Lëvizjes Vetëvendosje, Kuvendi i Kosovës
Edi Rama, Kryeministër i Republikës së Shqipërisë
Albin Kurti, Kryeministër i Republikës së Kosovës
Parlamenti i Shqipërisë dhe Kosovës u mblodh për herë të fundit në vitin 2022, edhe pse ishte planifikuar të zhvillohej një mbledhje e dytë në qershor të vitit 2023, kjo nuk ndodhi.
