Shtetet e Bashkuara të Amerikës kanë thyer heshtjen e gjatë, duke reaguar publikisht për zgjedhjet parlamentare në Shqipëri.
Përmes një mesazhi të shkurtër në rrjetet sociale, Ambasada e SHBA-së në Tiranë, uron “popullin shqiptar” për zgjedhjet dhe thekson se pret të “vazhdojë partneritetin e ngushtë me Shqipërinë”.
Reagimi vjen menjëherë pas deklaratës së liderit të PD-së Sali Berisha, i cili e quajti si lajm të mirë mosreagimin e SHBA-së për zgjedhjet, duke shtuar se do të informonte si SHBA-në dhe vendet evropiane për atë që ai e quan “masakër zgjedhore”.
“Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë”, shkruan Ambasada e SHBA në Tiranë, në një mesazh të shkurtër.
