Zgjedhjet e fundit kanë treguar një rritje të ndjeshme të mbështetjes për Partinë Socialiste në disa bashki të qarkut Elbasan, efekt që analistët e lidhin me të ashtuquajturin “efekt Dash Sula”. Kjo tendencë është veçanërisht e dukshme në bashkinë Peqin, ku PS ka arritur të sigurojë 71.17% të votave. Pas saj vjen bashkia Gramsh, me 69.68% të votave, si dhe Cerriku, ku është vënë re një rritje e konsiderueshme e mbështetjes për mazhorancën.
Kjo prirje interpretohet si pasojë e përplasjeve të brendshme në radhët e opozitës, mungesës së një organizimi të qartë dhe ndikimit të faktorëve lokalë, mes tyre edhe figura politike me peshë, si Dash Sula.
