Verën e vitit të kaluar, Nico Williams ishte shumë pranë largimit nga Athletic Bilbao. Megjithatë, sulmuesi i Kombëtares spanjolle vendosi të qëndrojë në skuadrën baske.
Opsioni më konkret ku Williams mund të transferohej pas përfundimit të Europianit, ishte Barcelona. Por tashmë 22-vjeçari duket afër largimit nga LaLiga për në Premier League.
Së fundmi është Arsenali që ka shfaqur interes për djaloshin e Athletic Bilbao. Siç raportojnë mediat britanike, drejtori i ri sportiv i “Topçinjve”, Berna, e ka sulmuesin spanjoll objektiv kryesor.
