Kombëtarja shqiptare do të përballet mbrëmjen e sotme me Serbinë, në kuadër të kualifikueseve të Botërorit 2026. Sfida që do të zhvillohet në stadiumin “Air Albania”, do të nisë në orën 20:45.
Ndërkohë që Sylvinho ka “projektuar” edhe 11-shen titullare që pritet të zbresë në fushë mbrëmjen e sotme.
Në portë me shumë mundësi do ta nisë Thomas Strakosha, ndërsa në mbrojtje, qendra do të mbulohet nga Ismajli dhe Gjimshiti. Krahu i majtë ësht “blinduar” nga Mario Mitaj, ndërsa në të djathtë, Ivan Balliu pritet të lërë në stol Hysajn.
Përsa i përket mesfushës, Asllani dhe Ramadani do të vendosen para mbrojtjes, ndërsa pak më i avancuar pritet të jetë Nedim Bajrami. Ndërkohë që 3-shja e sulmit pritet të jetë Hoxha, Broja dhe Jasir Asani.
FORMACIONI I MUNDSHËM:
SHQIPËRIA: Strakosha: Mitaj – Gjimshiti – Ismajli – Balliu: Asllani – Ramadani – Bajrami: Hoxha –Broja – Asani.
