Dinamo e mbylli këtë sezon me trofe dhe pas thuajse 15 vitesh ia dalin që të jenë triumfatorë. Një sukses nga skuadra e Ilir Dajës, e cila do të marrë pjesë tashmë edhe në arenën ndërkombëtare.
Daja i njeh mirë këto kompeticione dhe për këtë kërkon përforcime të rëndësishme për të bërë paraqitje pozitive në Conference League. Mbrojtja dhe sulmi janë 2 repartet ku timonieri i “Bluve” dëshiron afrime.
Disa prej lojtarëve aktualë në këto repartee priten të largohen dhe duhen gjetur zëvendësuesit e tyre. Në mbrojtje Daja kërkon lojtarë në nivelin e Naser Alijit dhe për këtë mund të ketë largime nga ato aktualët.
Ndërkohë në sulm edhe pse ka cilësi largimet janë thuajse të pashmangshme. Zabërgja dhe Mandela me shumë gjasa mund të shiten nga klubi pas Europës dhe me Dejvi Bregun që gjithashtu mund të largohet, Daja dëshiron të shmangë më të keqen dhe synon përforcime që para pjesëmarrjes në Conference.
