Ditën e djeshme, Juventusi pësoi një humbje të hidhur në transfertë nga Parma me rezultatin minimal 1-0. Kjo disfatë e mban klubin bardhezi tashmë jashtë zonës Champions me një pikë larg Bolognas.
Pas humbjes së djeshme, ka ardhur një lajm nga infermieria e Juventusit. Bëhet fjalë për sulmuesin Dusan Vlahovic që u zëvendësua nga Conceicao dje në fillimin e pjesës së dytë.
Siç raportojnë mediat italiane, sulmuesi serb ka një mbingarkesë në kofshën e djathtë. Situata e 25-vjeçarit do të monitorohet çdo ditë, por e sigurt që Vlahovic do të humbasë sfidën e së dielës ndaj Monzës.
