Atalanta arriti një fitore të rëndësishme në transfertë të dielën në mbrëmje ndaj Milanit me shifrat 1-0. Protagonist në fitoren e skuadrës bergmaske në “San Siro” ishte autori i golit, Ederson.
Ky i fundit ka zhvilluar një sezon fantastik me Atalantën deri më tani dhe jo vetëm mesfushori. Gjithashtu dhe Mateo Retegui ka bërë një sezon të mrekullueshëm duke kryesuar listën e golashënuesve në Serie A me 23 rrjeta të prekura.
Siç raportojnë mediat italiane, të dy lojtarët po ndiqen me vëmendje nga Manchester United. Thuhet se në sfidën e ndaj Milanit, në “San Siro” ishin skautët e “djajve të kuq” duke ndjekur sulmuesin italian dhe mesfushorin brazilian.
