Një medalje tjetër i shtohet Kosovës, pasi xhudistja Laura Fazliu shkëlqeu në përballjen e ditës së sotme në Lojërat Olimpike që po zhvillohen në Paris.
Lajmin e ka bërë të ditur, Komitetit Olimpik i Kosoës përmes një postimi në rrjetet sociale, ku bën të ditur se Fazliu ka fituar medaljen e dytë olimpike për Kosovën.
Laura Fazliu ka shënuar një sukses të jashtëzakonshëm, pasi ka arritur që ta fitojë medaljen e bronztë në Lojërat Olimpike Paris 2024. Fazliu triumfoi me Ëaza-Ari ndaj xhudistet kroate, Katarina Kristo.
“Poo! Edhe një medalje olimpike. Faleminderit Laura Fazliu, Faleminderit Toni! Krenarë” -shkruan Komiteti Olimpik i Kosovës në rrjetet sociale.
Kujtojmë se kjo është medalja e dytë olimpike për Kosovën, pas fitimit të të argjendtës nga Distria Krasniqi pak ditë më parë.
