Real Madrid fitoi mbrëmjen e djeshme ndaj Atalantës Superkupën e Europës. Në këtë mënyrë madrilenët koleksionojnë një tjetër trofe.
Pikërisht pas triumfit në Superkupë, Luka Modric ka vendosur rekord me trofetë e fituar me fanellën e “Los Blancos”. 27 trofe janë fituar nga kroati me fanellën e Realit, teksa më parë këtë rekord e mbante së bashku me Nacho Fernandez (26).
Këto trofe Luka Modric ka arritur t’i fitojë duke luajtur në 535 ndeshje. Kujtojmë se është bërë pjesë e madrilenëve që në gusht të vitit 2012, ndërsa ka kontratë të vlefshme deri në qershor të vitit të ardhshëm.
