Ish-presidenti i Komisionit Evropian Jacques Delors, i cilësuar si arkitekti i BE-së moderne ka vdekur në moshën 98-vjeçare. Lajmi është dhënë nga vajza e tij.
Ai ndihmoi në krijimin e një tregu të madh të vetëm, duke lejuar lëvizjen e lirë të njerëzve, mallrave dhe shërbimeve brenda BE-së. Duke shërbyer nga vitet 1985-1995, Delors hodhi gjithashtu bazat për monedhën e përbashkët evropiane, euron. Por, për ata që janë skeptikë ndaj projektit të BE-së, veçanërisht në MB, ai shihej si një simbol i ndërhyrjeve të shumta të Brukselit në punët e brendshme të vendeve europiane.
BIOGRAFIA
Jacques Lucien Jean Delors (20 korrik 1925 – 27 dhjetor 2023) ishte një politikan francez dhe evropian që shërbeu si presidenti i tetë i Komisionit Evropian në 1985, ministër i 195-të i Financave të Francës nga viti 1981 deri më 1984. Ai ishte deputet i Parlamentit Evropian nga viti 1979 deri në vitin 1981. Si President, Delors ishte lideri më me tepër ndikim në çështjet evropiane. Ai zbatoi politikat që lidhin ngushtë vendet anëtare së bashku dhe promovuan nevojën për unitet. Ai krijoi një treg të vetëm, që bëri të mundur lëvizjen e lirë të personave, kapitalit, mallrave dhe shërbimeve brenda Komunitetit Ekonomik Evropian (EEC). Ai drejtoi gjithashtu të ashtuquajturin Komiteti Delors, i cili propozoi bashkimin monetar për të krijuar euron, një monedhë e re e vetme e Europës, që zëvendësoi monedhat kombëtare individuale. Kjo u arrit me nënshkrimin e Traktatit të Mastrihtit në vitin 1992.
