Benjamin Netanyahu ka thënë se Izraeli do të vazhdojë me një operacion ushtarak në Rafah, vendi i fundit relativisht i sigurt në Gazën jugore, ku thuhet se janë strehuar 1.5 milionë palestinezë.
Aleatët e Izraelit kanë bërë presion mbi Netanyahun që të mos sulmojë Rafahun pa një plan për të mbrojtur civilët.
Por duke folur për kabinetin e tij, kryeministri izraelit tha: “Ne do të operojmë në Rafah. Kjo do të zgjasë disa javë dhe do të ndodhë.”
Ai nuk sqaroi nëse do të thoshte se sulmi do të zgjaste me javë apo do të fillonte pas javësh.
Netanyahu tha më vonë pas takimit me kancelarin gjerman Olaf Scholz në Jerusalem se Izraeli nuk do të linte civilë të bllokuar në Rafah kur forcat e tij të fillojnë sulmin e tyre.
