Qëndrim Ismajli me shumë gjasa do të largohet nga Tirana. 26-vjeçari nuk dëshiron më qëndrimin në kryeqytet.
Lojtari nga Kosova mësohet se u ka kërkuar klubit largimin. Madje ka paraqitur një kërkesë me shkrim te drejtuesit për të zgjidhur kontratën me konsensus.
Te Tirana e kanë marrë një kërkesë të tillë dhe tashmë do të vendosin për fatet e futbollistit te bardheblutë. Kujtojmë se me fanellën e bardhebluve në sezonin që kaloi ka luajtur në 23 ndeshje dhe ka mundur të shënojë 3 gola.
