Largimin përfundimtar nga Napoli tashmë e ka konfirmuar dhe vetë lojtari Kvicha Kvaratskhelia. Ylli gjeorgjian përfundoi aventurën e tij me klubin italian për të vazhduar në Francë.
23-vjeçari tashmë do të jetë pjesë e Paris Saint-Germain, të cilët do të paguajnë 70 milionë euro për të përfituar shërbimet e tij.
“Faleminderit Napoli”, shkruhet në Instagramin e tij zyrtar, ku ka publikuar dhe një videomesazh të gjatë për ekipin dhe tifozët napolitanë. Kvaratskhelia ishte një nga arkitektët e klubit të Napolit në fitimin e titullit kampion në sezonin 2022/23.
