Mbrëmjen e sotme, Prishtina dhe Llapi do të përballen për finalen e Kupës së Kosovës në “Fadil Vokrri”. Në prag të kësaj përballjeje të rëndësishem, ish-portieri i kryeqytetasve, Visar Bekaj ka një mesazh inkurajues për skuadrën e Prishtinës.
“Përshëndetje bardhekaltër, sot është ditë e madhe për Prishtinën edhe Plisat. Është finalja e Kupës së Kosovës. Ju uroj shumë suksese edhe forca djema, bëni më të mirën e mundshme.
Edhe Plisat të bëjnë atmosferën që munden të bëjnë, tregoni që finalja fitohet dhe nuk luhet”, shprehet Visar Bekaj.
Portieri 27-vjeçar ka qenë pjesë e Prishtinës për 6 vite, ku më pas në vitin 2020 u transferua në Kategorinë Superiore tek Tirana.
