Al Ittihad fitoi në ndeshjen e fundit në transfertë përballë ekipit nga Omani, Al Nasr. Skuadra e Ittihad ia doli që të triumfonte me rezultatin 1-4 në këtë sfidë miqësore.
Protagonist në këtë ndeshje ishte edhe mbrojtësi i Kombëtares shqiptare, Mario Mitaj. Ky i fundit shënoi golin e dytë për ekipin e tij. Ishte minuta e 45-të kur shqiptari tundi rrjetën kundërshtari.
Pas një topi të marrë nga krahu i djathtë, Mitaj goditi me të majtën duke shënuar një gol mjaft të bukur, gjithë klas. Ky është goli i dytë i 20-vjeçarit për këtë sezon, i cili ka asistuar edhe 4 herë të tjera.
