Roma ka marrë një fitore të rëndësishme mbrëmjen e sotme në “Olimpico” ndaj Veronës. Verdhekuqtë e Ranierit mposhtën miqtë me rezultatin minimal 1-0 në sfidën e vlefshme për javën e 33-të të Serie A.
Goli i vetëm i takimit u shënua nga Eldor Shomurodov që në fillim të sfidës në minutën e 4-t. Deri në fund më pas kryeqytetasit arritën të menaxhonin më së miri këtë avantazh.
Kjo fitore e mban Romën në garën për zonën Champions. Kryeqytetasit pozicionohen provizorisht në vendin e gjashtë të klasifikimit, me 2 pikë larg Juventusit të vendit të 4-t.
