Vllaznia ëshët finalistja e parë e “Final Four”, pas fitores së mbrëmshme 2-1 përballë Dinamos. Por pas kësaj supersfide u shënuan edhe incidente, pasi presidenti i dinamovitëve, Adrian Bardhi goditi drejtorin sportiv të Vllaznisë, Tefik Osmanin.
Lajmin e dha pikërisht moderatorja Hygerta Sako në emisionin “Supergol”. Megjithatë, ajo ç’ka bën më së shumti habi është mënyra se si moderatorja e merr me modesti sherrin që agravoi në dhunë fizike.
“Presidenti i Dinamos ka goditur drejtorin sportiv të Vllaznisë, Tefik Osmanin. Ndoshta në emocion e sipër”, ishin fjalët që Hygerta Sako shoqëroi lajmin për incidentin. Ndërkohë video e këtij momenti po bën xhiron në rrjet.
Të shumtë janë ata që habiten me modestinë dhe normalitetin që moderatorja e trajton këtë temë.
