Armando Broja është rikthyer. Sulmuesi i Kombëtares shqiptare ka lënë pas dëmtimin dhe sot mori minuta në barazimin mes Evertonit të tij dhe skuadrës së West Ham.
Broja e nisi këtë sfidë nga stoli, teksa u aktivizua në minutën e 79-të. Sulmuesi kuqezi mori vendin e sulmuesit tjetër të Everton, Betos. David Moyes i beson kështu minuta shqiptarit direkt pasi kishte lënë pas dëmtimin.
Një lajm i mirë edhe për Kombëtaren shqiptare, pasi Broja është pjesë e listës së Sylvinhos. Ai pritet të jetë protagonist në sfidat ndaj Anglisë dhe Andorrës.
