Interi u mposht mbrëmjen e djeshme nag Milani, me kuqezinjtë që triumfuan 3-0 në gjysmëfinalen e dytë, teksa me rezultat të përgjithshëm 4-1 kualifikohen për në finalen e Kupës së Italisë.
Një sfidë kjo që sigurisht ka irrituar çdo tifoz zikaltër, të cilët tashmë “lajnë duart” me një trofe. Por kjo humbje ka nervozuar edhe Simone Inzaghin.
Timonieri i Interit në një video të shpërndarë në rrjetet sociale shihet momenti kur ka “shpërthyer” ndaj gjyqtarit të 4-të, Gianluca Aurelianos. Ky i fundit po bëhej gati të jepte minutat shtesë, por Inzaghi dëgjohet t’i thotë:
“Nuk dua shtesë, eh! Mos më nervozo! Nuk dua! Nuk dua!”, moment ky që është bërë shumë viral dhe që tregon edhe mërzitjen e zikaltërve.
