Astrit Selmani është shfaqur përsëri protagonist në Rumani me ekipin e tij Dinamo Bukuresht, në sfidën që fituan përballë Arad në transfertë. Ndeshja e vlefshme për javën e 30-të të superligës rumune përfundoi 0-2 në favor të Dinamos.
Ishte pikërisht Selmani ai që shënoi golin e dytë për të tijët për të vulosur rezultatin përfundimtar të kësaj sfide. Pas një topi të marrë nga shoku i ekipit, i vetëm përballë portierit kundërshtar 27-vjeçari nuk gaboi dhe dyfishoi shifrat në minutën e 87-të.
Kujtojmë se Selmani po kalon një sezon fantastik me Dinamon e Bukureshtit. Në 31 ndeshje të zhvilluara këtë sezon, sulmuesi shqiptar ka shënuar 12 gola dhe ka asistuar në 6 të tjerë.
