Ka përfunduar pa fitues përballja mes Romës dhe Juventusit me shifrat 1-1 e vlefshme për javën e 31-të të Serie A. Ekipet nuk arritën të shkojnë në më shumë se një barazim duke ndarë pikët në “Olimpico”.
Juventusi kaloi i pari në avantazh në këtë përballje pas një supergoli të Manuel Locatelli pranë fundit të pjesës së parë. Ndërsa në pjesën e dytë ishin verdhekuqtë e kryeqytetit që barazuan bardhezinjtë me golin e Shomurodov.
Megjithatë, ekipet u ndalën në barazim. Juventusi tashmë pozicionohet në vendin e 5-të me pikë të barabarta me Bolognën e vendit të katërt që ka një ndeshje për të luajtur. Ndërsa Roma renditet e shtata me tre pikë më pak se Juventusi.
Goli i Locatelli
Goli i Shomurodov
