Tirana 1 – 1 Elbasani (Jarmouni 13′, Musta 73′)
Është mbyllur sfida mes Tiranës dhe Elbasanit luajtur në Durrës. Dy ekipet kanë ndarë nga një pikë në derbi, ku shumë tifozë ndodheshin në shkallët e stadiumit “Niko Dovana”.
Sulmuesi Jarmouni hapi shifrat në takimin përballë verdhebluve. Francezi gjeti golin në minutën e 13-të. Ndërsa, elbasanasit shtuan forcat në pjesën e dytë për të gjetur ekuilibrat, pas një pjese të [arë në avantazhin e bardhebluve. Elbasani ia doli të barazojë 1-1 pas një goditjeje këndi që gjeti mbrojtësin Emiliano Musta dhe ky i fundit nuk gaboi me kokë. Ish-i i Egnatias ekuilibroi gjithçka në minutën e 73-të.
Dy klubet u përpoqën të merrnin diçka më tepër nga kjo ndeshje, por paqja u vulos në fund në stadiumin e Teutës.
Superiore: Java 23
Stadiumi: “Niko Dovana”
Arbitër: Klodian Shahini
FORMACIONET ZYRTARE:
TIRANA: Selmani, Vera, Dembele, Soler, Prengaj, Silva, Përgjoni, Ndreca, Meta, Kola, Jarmouni. Trajner: Bledi Shkëmbi.
ELBASANI: Abalora, Olberkis, Lulaj, Dros, Tsague, Lajthia, Ibrahim, Kasa, Ze Gomes, Musta, Lila. Trajner: Ivan Gvozdenoviç.
LIVE:
90+4′- Mbyllet gjithçka në Durrës. 1-1 përfundon sfida mes Tiranës dhe Elbasanit.
82′- Smaçi dhe Mihana sjellin një rast të bukur, por Olberkis bllokon gjithçka.
Smaçi
73′- Musta shënon golin e tretë në Superiore dhe golin e barazimit kundër Tiranës. Mbrojtësi godet saktë me kokë nga 1 goditje këndi.
Goli i Elbasanit
54′ Jarmouni tenton golin e dytë, por topi kontrollohet nga Abalora.
45+1′ Mbyllet pjesa e parë, Tirana udhëheq 1-0.
27′ Rast i mirë për dyfishim shifrash, Ndreca fal Elbasanin.
13′ GOL TIRANA! Shënon Jarmouni.
5′ Musta tenton surprizën direkt nga goditja e këndit.
1’ Shkelmohet topi i parë në Durrës, nis sfida mes Tiranës dhe Elbasanit.
