Pano Qirko ishte i pafat ditën e djeshme në sfidën që Partizani zhvilloi me Apoloninë në Kupën e Shqipërisë. Gardiani i portës u dëmtua dhe doli nga fusha e lojës me ndihmën e barrelës.
Një dëmtim që në pamje të parë duket i rëndë, pasi në një dyluftim me një nga kundërshtarët mbeti i dëmtuar. Menjëherë Qirko është dërguar me urgjencë në spital për të marrë ndihmën e mjekëve.
Mbrëmë ka qëndruar nën kujdesin e mjekësve dhe ditën e sotme pritet që t’i nën shtrohet edhe vizitave të specializuara për të mësuar shkallën e dëmtimit. Fillimisht bëhet me dije se futbollisti ka dëmtuar legenin, gjithsesi do të jenë vizitat mjekësorë që do të thonë ‘fjalën’ e tyre përfundimtare.
