Mallorca u mposht mbrëmjen e sotme në shtëpi përballë Celta Vigo në ndeshjen e vlefshme për javën e 30-të të LaLiga. Sfida e zhvilluar në “Estadi Mallorca Son Moix”, përfundoi 1-2.
I pafat në këtë ndeshje ishte sulmuesi shqiptar, Vedat Muriqi. I kthyer në një nga pikat kyçe të ekipit spanjoll, “bomberi” nga Kosova u detyrua që të linte fushën që në minutën e 37-të.
Muriqi pësoi një dëmtim që në pamje të parë nuk u duk shumë i rëndë, por ai la fushën e lojës. Vendin e tij e zuri Larin, ndërsa nesër pritet që të dalin edhe rezultati i analizave, për të kuptuar sa mund të mungojë sulmuesi shqiptar.
