Numërimi i votave preferenciale po vijon ende në Tiranë, ku gara mbetet e fortë mes kandidatëve.
Në Partinë Socialiste, po zhvillohet një konkurrencë “kokë më kokë” mes Blerina Gjylametit dhe Olta Xhaçkës, të cilat synojnë sigurimin e mandatit përmes votave preferenciale.
Një garë tjetër e fortë është mes Xhemal Qefalisë dhe Ornaldo Rakipit, që ndodhen pranë në numër votash.
Në Partinë Demokratike, Jorida Tabaku dhe Ilir Alimehmeti po përballen po ashtu me njëri-tjetrin, duke garuar në listën e hapur, me diferencë të vogël votash.
Deri tani janë numëruar 4127 nga 42,402 vota të diasporës për qarkun e Tiranës, që përfshijnë edhe votat preferenciale për kandidatët.
