Xabi Alonso u zyrtarizua vetëm pak minuta më parë te Real Madrid. Trajneri spanjoll merr lajme të këqija menjëherë pas zyrtarizimit.
Kjo pasi Federico Valverde është dëmtuar. Klubi ka konfirmuar se ka marrë goditje në pjesën e poshte të shpinës, me futbollistin që rrezikon edhe pjesëmarrjen në Kupën e Botës për klube.
“Pas testeve të kryera sot te Fede Valverde nga Shërbimet Mjekësore të Real Madridit, atij i është diagnostikuar shqetësim për shkak të një goditjeje në pjesën e poshtme të shpinës. Rimëkëmbja e tij do të monitorohet”, shkruhet në postim.
