Pas një kampionati shumë të vështirë dhe me vuajtje, Tirana arriti të sigurojë qëndrimin në Kategorinë Superiore për sezonin e ardhshëm. Klubi bardheblu tashmë do të nisë nga puna për të “sistemuar” organikën për sezonin tjetër.
Në kryeqytet rrezikohet të largohen 10 lojtarë dhe e ardhmja e tyre ka mbetur pezull. 4 prej lojtarëve që i skadon kontrata në fund të sezonit me Tiranën janë Florjan Përgjoni, Gledi Mici, Gentian Selmani dhe Leon Kozi.
Dy emrat e sigurt që do të shiten në verë nga bardheblutë janë Admir Bajrovic dhe Abel Abah, por pritet vetëm zyrtarizimi nga klubi. Ndërsa ende nuk dihet e ardhmja për Mustafë Abdullahun, Walid Jarmouni, Edison Kolën dhe Mahamadu Dembele.
