Klubi i Napolit ka mbushur arkat ditën e sotme me një shitje tek ekipi i Cagliarit. Bëhet fjalë për Elia Caprilen i cili është blerë përfundimisht nga klubi i Sardenjës, aty ku ishte i huazuar.
Lajmin e ka bërë të ditur vetë Napoli që i ka dhënë lamtumirën portierit 23-vjeçar. Ekipi i Alen Sherrit vendosi të ushtrojë të drejtën e blerjes, duke paguar tek Napoli 8 milionë euro.
Performancat e Capriles në gjysmën e dytë të sezonit, kanë bindur Cagliarin të blejë përfundimisht portierin. Tashmë bëhet edhe më e madhe konkurrenca e Sherrit për një vend titullari në ekipin italian.
