Artan Iljazi është futbollisti më i ri i skuadrës së Ballkanit. Portieri 25 vjeçar ka vendosur të mbyllë aventurën e tij me Shkupin në Maqedoninë e Veriut, për të nisur një të re në Superligën e Kosovës.
Iljazi ka nisur karrierën e tij si profesionist tek Shkëndija e Tetovës. Teksa përveç Shkupit dhe tetovarëve, gardiani 25 vjeçar ka mbajtur veshur edhe fanellën e Gostivarit.
Njoftimi i klubit të Ballkanit:
Tifozë të dashur,
Me kënaqësi ju njoftojmë me transferin e ri në skuadër. Portieri Artan Iljazi nga sot është pjesë e FC Ballkanit!
Gardiani nga Kumanova ka qenë pjesë e skuadrave të njohura shqiptare në Maqedoni të Veriut, si FC Shkupi e KF Shkëndija. Klubi i uron mirëseardhje Artanit, duke i dëshiruar suksese në arritjen e objektivave tona të përbashkëta
