Anxhelo Suta nuk do të jetë më trajner i Shkumbinit. Klubi peqinas dhe tekniku kanë vendosur që të mbyllin bashkëpunimin mes tyre, me Sutën që nuk do të jetë trajner i tyre përgjatë sezonit aktual.
Lajmin e ka bërë të ditur vetë 39 vjeçari me anë të një njoftimi në rrjetet sociale. Me anë të një postimi në profilin e tij në “Facebook”, Suta ka njoftuar largimin e tij nga Shkumbini, teksa nuk mungojnë falenderimet.
“Nga sot nuk do të jem më pjesë e KF Shkumbinit. Falenderoj shefin e klubit, Lorenc Nuka për bashkëpunimin dhe KF Shkumbinin i uroj suksese”, shkruan Suta në “Facebook”.
