Pas dy sezonesh në Superligën turke, Edin Dzeko është larguar nga skuadra e Fenerbahces. Sulmuesi i kombëtares së Bosnie & Hercegovinës, është rikthyer të luajë në Serie A.
Edin Dzeko është lojtari më i ri i Fiorentinës. Lajmin e ka bërë të ditur vetë klubi toskan, i cili ka prezantuar 39-vjeçarin si afrimin më të ri. Fiorentina e përfitoi falas boshnjakun pasi i përfundoi kontrata me turqit.
Edin Dzeko do të jetë pjesë e “vjollcëve” deri në fundin e sezonit të ardhshëm. Pas ekperiencave me Romën dhe Interin, tek Fiorentina do të jetë e treta e 39-vjeçarit në Itali.
