Ditmar Bicaj nuk është më trajner i Burrelit. Pasi e zyrtarizoi vetë disa ditë më parë, tashmë ka ardhur konfirmimi edhe nga klubi i Burrelit, të cilët kanë njoftuar largimin në rrjetet sociale.
“Një largim me peshë që vjen nga kryesia e stolit, bëhet fjalë për trajnerin Ditmar Bicaj. Dy palët kanë rënë në koncensus për prishjen e kontratës. Faleminderit profesor për sezonin e klauar që na bërë të mundur të përjetojmë ëndrrën dhe emocionet e “Play-Off” të Superiores”, shkruan klubi matjan.
Kujtojmë se tashmë Bicaj është në kërkim të një ekipi të ri për të drejtuar. Vlen të përmendet se trajnerit lezhjan i përmendet shpesh emri në zyrat e klubit të Tiranës, të cilët e duan për pankinën.
