Pas gati katër muajsh i papunë, Julen Lopetegui është rikthyer në stol. Ish-trajneri i Spanjës dhe i West Ham herën e fundit, 58-vjeçari është tekniku i ri i Kombëtares së Katarit.
Lajmi është bërë i ditur nga vetë përfaqësuesja aziatik nëpërmjet një postimi në faqen zyrtare. Lopetegui ka firmosur një kontratë me Katarin që do ta mbajë deri në qershor të vitit 2027.
Objektivi i shtetit aziatik është të shkojë në Kupën e Botës 2026 nën drejtimin e Lopeteguit. Aventura e fundit e 58-vjeçarit ishte me West Ham, ku u emërua më 1 korrik të vitit të kaluar, por u nda me ekipin më 8 janar të këtij viti.
