Age Hareide nuk do të jetë më trajner i Islandës. Tekniku norvegjez është larguar nga drejtimi i përfaqësueses së Islandës pas 19 ndeshjesh në drejtimin e tyre.
Një lajm i mirë ky edhe për Kosovën, të cilët janë kundërshtari i Islandës në sfidën “Play-Off” të Nations League. Në muajin mars të vitit të ardhshëm, do të vendoset cili ekip qëndron apo bie në Ligën C ose atë B.
Në krahun tjetër, Islanda nis menjëherë nga puna për trajnerin e ri. Një situatë e vështirë për islandezët të cilëve u duhet të përshtaten me një tjetër trajner para një ndeshje vendimtare si ajo me Kosovën.
