Egnatia nuk di të ndalet në merkato. Kampionët në fuqi kanë zyrtarizuar ditën e sotme një tjetër afrim, duke përforcuar kështu repartin e sulmit me një talent 19-vjeçar.
Bëhet fjalë për Mohammed Yahaya, një sulmues me origjinë nga Gana. Yahaya vendosi që të mbyllte aventurën e tij në vendlindje me ekipin e Accra Lions, për të nisur një të re në Superioren e Shqipërisë.
Njoftimi i Egnatias:
Klubi ka kënaqesin të njoftoj se në “Bordin e avionit të kampionëve” ka hypur një “luftëtar” i ri. Mohammed Yahaya ka firmosur për tre sezone duke nisur kështu një udhëtim të gjatë me ne.
Presidenti Agim Demrozi i ka uruar mirë se ardhjen sulmuesit 19-vjeçar i cili vjen nga Gana.
