Siç ishte përfolur dhe ditët e fundit, Jhon Duran do të largohej nga Aston Villa në merkaton e janarit. Ditën e sotme klubi anglez ka shitur kartonin e 21-vjeçarit që do të vazhdojë karrierën në Arabinë Saudite.
Duran është blerja më e re e Al Nassr në këtë afat kalimtar, klubi saudit pagoi plot 77 milionë euro që kaluan në arkat e Aston Villës. Kontrata e cila do ta mbajë të lidhur sulmuesin me ekipin është e vlefshme deri në verën e vitit 2030.
Paga që do të përfitojë Duran deri në përfundimin e kontratës do të jetë 10 milionë euro në sezon. 21-vjeçari kolumbian do të jetë partneri i Cristiano Ronaldos në sulm, duke zgjedhur dhe numrin 9 në fanellë.
