Nderim Nexhipi ka njoftuar përmes rrjeteve të tij sociale se po largohet nga posti i drejtorit sportiv te FC Shkupi. Ai më tej, nuk e tregon arsyen e këtij vendimi, por falenderon klubin, trajnerët, futbollistët dhe tifozët.
Pritete me interes se cili do të jetë destinacioni i ri i Nexhipit, pasi ka bërë një punë të mirë në ekipin e mësipërm.
“Dua t’ju njoftoj se po largohem nga posti i drejtorit sportiv te FC Shkupi! Falenderoj nga zemra gjith klubin, trajnerët dhe futbollistët për bashkëpunimin dhe përkushtimin që kanë treguar gjatë kësaj periudhe të vështirë.
Një falënderim i veçantë dhe më i madhi shkon për Shvercerat, të cilët gjithmonë kanë qenë aty për ekipin me mbështetje të jashtëzakonshme. Me respekt, Nderim Nexhipi (njëri nga ju)!”.
