Eneo Bitri nuk është më pjesë e FC Gyor në Hungari. Ish-mbrojtësit të Partizanit i përfundoi afati i huazimit te hungarezët dhe tashmë është rikthyer në Norvegji te Valerenga.
Bitri ishte në huazim te Gyor që prej korrikut të vitit 2024. Gjatë kësaj periudhe në Hungari, mbrojtësi 28-vjeçar bëri mjaft mirë. Ish-kapiteni i Partizanit shënoi 5 gola dhe asistoi në një tjetër.
Tashmë pritet të shihet cila do të jetë e ardhmja e Bitrit. Kujtojmë se mbrojtësi ka një karrierë të pasur në Shqipëri, pasi ka luajtur me ekipe si Tomori, Partizani dhe Kamza.
