Bylisi ende nuk ka luajtur ndeshjen e fundit për këtë vit, por po mendon për merkaton dhe rindërtimin e skuadrës që do të zbresë në fushë pas janarit. Vetë klubi ballshiot ka njoftuar mbylljen e marrëveshjes me 3 lojtarë.
Patrik Treni është emri më i lakmuar prej tyre që nuk do të vijojë aventurën me skuadfrën e Dedes. Dy lojtarët e tjerë janë të së njëtës kombësi dhe pjesë e ekuipazhit të madh të të huajve në Ballsh.
Bëhet fjalë për Gabriel Recife dhe Wendel Da Conceicao. Që të dy luajnë në repartin e mbrojtjes, i pari si qendërmbrojtës, teksa i dyti si anësor. Kështu, amerikano-latinët i thonë lamtumirë bylinjotëve dhe Shqipërisë.
FK Bylis ka falenderuar futbollistët për bashkëpunimin e tyre në zgjidhjen me konsensus të bashkëpunimit ndërmejt palëve.
