Gjelbrim Taipi është larguar përfundimisht nga Partizani. Pas dy sezonesh me “Demat e Kuq” në kryeqytetin e Shqipërisë, mesfushori 32-vjeçar është transferuar në Superligën e Kosovës.
Prishtina do të jetë skuadra e re ku do të luajë Gjelbrim Taipi për sezonin e ardhshëm. Lajmi është bërë i ditur nga vetë klubi kryeqytetas i Kosovës përmes një postimi ku prezantohet mesfushori.
Kjo do të jetë eksperienca e parë e Taipit në kampionatin kosovar. Ish-mesfushori i Partizanit do të mbajë mbi shpinë numrin 26 në fanellën e Prishtinës.
