Lajmi se presidenti Vladimir Putin ishte duke fluturuar me një helikopter mbi rajonin e Kurskut, kur u sulmua me disa dronë ukrainas, shkaktoi trazira në Rusi. Lajmin e dha për median ruse “RT”, komandanti i mbrojtjes ajrore, Yuri Dashkin.
“Intensiteti i sulmit u rrit ndjeshëm në momentin kur helikopteri i Komandantit Suprem po fluturonte mbi zonën e Kurskut. Helikopteri ishte në shënjestër për t’u goditur,”-shtoi ai.
MOMENTI ME VIDEO:
Gjatë operacionit, forcat ruse pretendojnë se kanë rrëzuar gjithsej 46 dronë ukrainas.
Megjithatë, edhe pse Dashkin ka folur, informacioni nuk është konfirmuar zyrtarisht nga Kremlini. Rasti i shtohet një serie publikimesh të ditëve të fundit që pasqyrojnë tensionin në rajonin e Kurskut, pas rimarrjes së territorit nga forcat ruse.
