Interi bie në Bolonjë dhe Napoli buzëqesh. Kur kanë mbetur pesë javë deri në përfundim e kampionatit, orari i dy skuadrave bëhet edhe më interesant.
Me një ndryshim të madh, në ndeshjet e ligës, skuadra e Simone Inzaghit duhet të shtojë edhe ndeshjen e kthimit të gjysmëfinales së Kupës së Italisë, të planifikuar për 23 prill kundër Milanit, dhe gjysmëfinalen e dyfishtë të Champions League ndaj Barcelonës (ndeshja e parë më 30 prill në Montjuic, takimi i kthimit më 6 maj në San Siro).
Për momentin dy skuadrat janë të barabarta në pikë, nëse gjërat do të përfundonin kështu, fitorja e kampionatit do të vendosej me “play-off”.
Interi është formalisht i pari në renditje dhe për këtë arsye play-off do të luhej aktualisht në Meazza, për shkak të diferencës së golave më të mirë se Napoli (+40 me +27), kriteri i parë i dobishëm duke qenë se përplasjet direkte mes dy skuadrave kanë përfunduar të dyja 1-1.
