Armando Broja u dëmtua në ndeshjen Shqipëri – Angli, duke u detyruar të linte fushën e lojës në minutën e 75-të. Ndërkohë që sulmuesi ka vendosur që të rikthehet te Burnley.
Ylli i Kombëtares shqiptare ka udhëtuar drejt Anglisë, duke “zbarkuar” direkt tek klubi i tij. Ai ka kryer ekzaminime të tjera mjekësore dhe siç duket, dëmtimi nuk është aq serioz sa ç’dukej.
Broja do të rikthehet në fushë pas disa ditësh, duke qetësuar si veten e tij, por edhe klubin e Burnley. Kujtojmë se 23-vjeçari e përjetoi shumë keq dëmtimin, duke shpërthyer në lotë.
