Ish-deputeti demokrat, Dashnor Sula ka thumbuar përmes një postimi në rrjetet sociale, kreun e PD Sali Berisha.
Ndërsa ka publikuar një foto ku shfaqet me një buf në dorë, një referencë tashmë e njohur e kryeministrit Edi Rama ndaj Berishës, Sula shkruan:
“Diku mes dritës së mëngjesit dhe terrinës që nuk do të ikë pa zhurmë, u shfaq Ai… Bufi. I heshtur, i përhumbur, por gjithmonë nën vëzhgim.
I ulur në mes të rrugës, tamam si një simbol i rezistencës së vjetër që s’di të ikë, por as të ecë përpara. Sytë e tij si të një sistemi që ndjek çdo lëvizje, por nuk kupton asnjë drejtim.
Dhe po, për pak sekonda më pa si për të më thënë: Këtu jam ende!
Por unë buzëqesha. Sepse ndryshe nga ai, unë nuk kam frikë nga drita”.
