Ish-presidenti i SHBA Donald Trump u bëri presion personalisht dy anëtarëve republikanë të Bordit të Canvassers të Qarkut Wayne që të mos nënshkruanin certifikimin e zgjedhjeve presidenciale të vitit 2020, sipas regjistrimeve të shqyrtuara nga The Detroit News dhe të zbuluara publikisht për herë të parë. Në një telefonatë të 17 nëntorit 2020, ku përfshihej edhe kryetarja e Komitetit Kombëtar Republikan, Ronna McDaniel, Trump i tha Monica Palmerit dhe William Hartmannit, dy republikanët e kontesë Wayne, se do të dukeshin të tmerrshëm, nëse do të nënshkruanin dokumentet.
“Ne duhet të luftojmë për vendin tonë”, tha Trump në regjistrim. “Nuk mund t’i lejojmë këta njerëz të na e marrin vendin tonë”, kishte shtuar ai. McDaniel, një banor në Michigan dhe udhëheqës i Partisë Republikane në nivel kombëtar, kritikoi thirrjen e Trump. Ai u shpreh se nëse ata ndërhyjnë, mund të kenë probleme me drejtësinë. Mirëpo, Trump i tha atij se do kujdesen edhe për këtë gjë.
Palmer dhe Hartmann u larguan nga takimi i konsulentëve pa nënshkruar deklaratën zyrtare të votave për Wayne County, dhe të nesërmen, ata u përpoqën pa sukses të anulonin vullnetin e tyre në favor të certifikimit, duke paraqitur deklarata ligjore, ku pretendonin se u bë presion. Veprimet e Palmer, Hartmann dhe Trump, po të ishin të suksesshme, mund të vinin në dyshim certifikimin e zgjedhjeve të Miçiganit të vitit 2020. Zbulimi i përmbajtjes së thirrjes të ish-presidentit vjen pasi ai përballet me katër akuza të komplotit kriminal për të mashtruar Shtetet e Bashkuara dhe votuesit e saj për rezultatin e zgjedhjeve. Përpjekjet për të parandaluar certifikimin e fitores me 154,000 vota të demokratit Joe Biden në Michigan janë një pjesë e aktakuzës.
Thirrja që përfshin Trump, McDaniel, Hartmann dhe Palmer ndodhi brenda 30 minutave nga takimi i Bordit të Canvassers të Qarkut Wayne që përfundoi më 17 nëntor 2020, sipas të dhënave të shqyrtuara nga The News. Regjistrimet treguan më tej përfshirjen e drejtpërdrejtë të Trump, si president në detyrë, me zyrtarët republikanë në Michigan, në përpjekje për të minuar fitoren e Biden dhe sesi disa detaje të përpjekjeve të tij kishin mbetur sekrete, ndërsa ai nisi një fushatë për të rifituar Shtëpinë e Bardhë në 2024.
As Palmer, as McDaniel dhe Trump, përmes zëdhënësve, nuk dhanë detaje të telefonatave kur u kontaktuan nga The News. Hartmann vdiq në vitin 2021.
