Sipas Komisionit Qendror të Zgjedhjeve, votimi nga jashtë vendit ka nisur sot. Këtë e deklaroi edhe vetë kreu i këtij institucioni Ilirjan Celibashi me një postim në rrjetet sociale.
Celibashi ka thënë se vota e parë është hedhur nga një Dibran me banim në Erlangen, Gjermani.
Postimi i Celibashit:
Votimi nga jashtë ka nisur! Sot, në orën 07:15, zgjedhësi i parë nga jashtë vendit, me vendbanim në Erlangen, Gjermani dhe votues në qarkun Dibër, ka marrë fletën e votimit nga Komisioni Qendror i Zgjedhjeve!
Ky është një hap i rëndësishëm për përfshirjen e qytetarëve shqiptarë jashtë vendit në procesin demokratik të Zgjedhjeve të 11 Majit 2025.
