Egnatia – Partizani është gjysmëfinalja tjetër e Kupës së Shqipërisë, duel ky që do të luhet në orën 19:00 në “Egnatia Arena”. Një sfidë e cila vë përballë 2 nga pretendentët kryesorë të këtij turneu.
Edlir Tetova dhe ekipi i tij tashmë synojnë të shkojnë në finale për të 3-tin vit rresht, madje dhe të ngrejnë në “qiell” sërish këtë trofe, ndërsa nga krahu tjetër kërkohet kalimi në finale pas 21 vitesh.
Trajneri i rrogozhinasve do të ketë 2 mungesa të rëndësishme ndaj kryeqytetasve. Ndreca dhe Malota nuk do të mund të japin kontributin e tyre në këtë përballje, teksa Skënder Gega ka fatin të ketë grupin e plotë. Tropojani në këto kushte do të hedhë në fushë gjithë “artilerinë e rëndë”.
Formacionet e mundshme:
Egnatia: Dajsinani, Alijev, Xhemajli, Dylis, Fangaj, Aleksi, Fernando, Ujka, Zejnullai, Lushkja, Bakajoko. Trajner: Edlir Tetova
Partizani: Hoxha, Bytyçi, Preka, Sembene, Domgjoni, Ismaili, Mehmeti, taipi, Zeka, Eleke, Bintsuka. Trajner: Skender Gega.
